Saskibaloiaren garrantzia San Viatorren

San Viator eskolak kirolari arreta handia eskaintzen dio, horra hor datu deigarri bat: eskolan ikasten duen ikasleriaren erdia baino gehiagok kirola praktikatzen du, kasu gehienetan zentroko taldeetan. Eta kirolen artean arrakasta handiena daukana saskibaloia da. Historikoki Gasteiz hiriko talderik potenteenak eskola honetakoak izan dira, baita jokalariak ere. Saskibaloi jokalari profesional batzuk hemen hasitakoak dira, horren erakusle nagusia Pablo Laso delarik.

Betidanik berezia izan da San Viator ikastetxean saskibaloiak izan duen garrantzia. Maila guztietan saskibaloia praktikatzeko aukera dago, eta lurraldeko kategoria guztietan zentroko taldeak topa ditzakegu, txikienetatik helduagoetaraino, hau da, benjaminen kategoriatik senior mailaraino. Gainera, saskibaloia garatzeko instalakuntza ezin hobeak ditu zentroak. Mini-basketeko 5 zelai, eta 3 zelai handi. Batzuk patioan daude, eta besteak kiroldegi batean, berriztatu berria dena eta harmailak dituena.

Saskibaloiak beraz, izugarrizko garrantzia daukala argi dago, eta hori konprobatu nahi izatekotan erraza da, larunbat goiz batean eskolara jo eta saskibaloiko partida pila ikusteko aukera izango duzu.

Blogaren eskuinaldean Arabako saskibaloiko federazioko webgunea agertzen da; bertan, San Viator ikastetxeko taldeen emaitzak zein ordutegiak topa daitezke.